StadsWeb

Stad meer dan droag brôôd

Content

StadsWeb
Zo Jan is weer terug op hut ouwe nist. Noe zal je je wel ofvraege waer hei tie al die tiet gezete. Dur wiere op de kaaije al verhaelun verteld dat ik mit hut noorder zunnetje verdwene was.
opmaak
Weer terug op hut ouwe nist

Zo Jan is weer terug op hut ouwe nist. Noe zal je je wel ofvraege waer hei tie al die tiet gezete.
Dur wiere op de kaaije al verhaelun verteld dat ik mit hut noorder zunnetje verdwene was. Kiek op hut durp is iedereen gewend om van mekaare te weten waer je zit mar ik ha daer van te voorun niet ovur gesproke, mar ik zalt ut je vertelle.

Mun zustur heit un carrevan, niet zoon kleintje mar un heele groote, in die staet in Renesse. Noe kon ze daer van de zeumer niet naer toe, vandaer dat ze an oens gevraegd heit of wielle dur naer toe wouwe. We hadde daer eerst geen ooren naer want we dochte dat is niks voor oens. Mar ze bleef andrienge want dan was tur in elk geval eentje die op de carrevan paste, je weet mar nooit wat tur gebeurt mit zoon dieng as tur heel de zeumer geen maas is, zekur mit al die vekansiegangurs die de blommetjes in Renesse buitun komme zette. We dochte we gaen hut un paer daegun probere in dan zien we wel verdur. Noe is hut zo goed bevalle dat we de hele zeumer gebleve binne.

Kiek wielle zagge dur tegun op in dochte wat motte wiele noe in un carrevan je kan je eige daer niet bewege mar dat viel allus mee. Ik ken wel zaage je heit ter net zoveul reumte as tuus, dur zit aak van allus in un keuken, un bankstel, un doesch, un wc in un grote slaepkaemer mit un tweepersoonsbed, noe wat wil je dan nog meer.
Das geen carrevan meer dat is un compleet huus alleen dan van hout gemaekt.

Op de campieng was hut aak heel gezellug, dur was elleke avoend wat te doen klaverjasse, bingo mar aak oender mekaare barbekjoeie. Gek dat dat wel oender mekaare op un campieng ken, mar eenmaal weer tuus ken dur geneens un gedag ofzo of.
Iedereen zou mar us un paer weken op un campieng motte gaen kiekke dan weete we weer hoe hut aak ken oendur mekaare.

Allemeale mar weer de groete van Jan van 't hoekie