Koninginnedag
Koninginnedag was vroegur een groot feest op hut durp, iedereen dee mee mit de spelletjes. Hut durp was versierd, zelfs mit un erepoorte bie de meule in bovun an de Voorstraete. In de Stadse meziekvereniging blies zun neutje mee.
De kinderspeulen waare sogguns op de voetbalweije in de Baagerdreef, smiddags was ter un algorische optocht over het durp, savens ware dur allerlei spelletjes in de Voorstraete.
Dur was aak nog un aubade op de Voorstraete, de burgemeester stoend dan niet op het bordes mar op het balkon wat vroegur an het gemeentehuus zat.
Op de Voorstraete was het altied gezellig in heel hut durp dee mee mit de spelletjes. Zo was ter kruiwaegenje rieje, ring steke op de fiets, zak laape in kossengevechten terwijl je op un balk zat. Dur waare aak leuke priezen te verdienen, zo kon je zelfs as eerste pries un week naer Tiengemeete winne, de tweede pries was twee weken naer Tiengemeete, aldus speaker Teun Niep. Kzal wel maasen tegun de haeren strieke mar feeste doe je op de Voorstraete, punt uut.
Bie Kamerling kon ja allerlei feestartiekels kaape, dur waare matrozepetten, puntmusten, moendbakkesun in allerlei andere diengen, veul jeugd liep daermee op, de grote maasun hadde allemaele iets oranje op.
Ik ha nog un punt waer ik het even over mot ha. Ik liep van de weeke ovur het durp in daer zag ik un haap maasen die de vlagge uutgehange hadde, mit naeme de Stadse vlagge. Noe ik mot zaage hoe die bie sommege maasen hieng daervan schoote traenen in je aagen. De vlagge hang je an un vlaggestok in niet in de raemlieste of zo. Dur binne der aak die die vlagge dag in nacht laete hange in dat is niet zoals het hoort, vlagge doe je van zuns opkomst tot zuns oendergang, zo dat bink kwiet.
Allemeale mar weer de groete van Jan van 't hoekie