StadsWeb

Stad meer dan droag brôôd

Content

StadsWeb
Iedereen heit ut ter over We ha wee un wienkel waer je terecht kan voor je daegelukse diengun. Vroegur hadde we wel meer dan vuftug maasun op ut durp die daer een boterham uut probeerde te haelen. Iedereen had zun eige specialteiten.
opmaak
Hoera dur is weer un wienkel op Stad

Iedereen heit ut ter over We ha wee un wienkel waer je terecht kan voor je daegelukse diengun. Vroegur hadde we wel meer dan vuftug maasun op ut durp die daer een boterham uut probeerde te haelen. Iedereen had zun eige specialteiten.

Zo was de zoete koeke van van Neuren op Stad in omstreken un gewilde lekkernij. Dat bliekt wel ut hut vlogende verhaeltie. Toen van Neuren de boodschappeboekkies gieng ophaele bie de maasen was tur un vrouwe die an van Neuren vroeg "Hoe is de zoete koeke?" "Noe die is prima" zeit van Neuren "Heel Stad eet ze".

Bie Piet Sniejer kon je losse stroope kaape, un goeje kwaliteit voor un paer stuivers, je most dan wel zaalf un potje mee brienge.

De draage worste van Siemen de Wachter was un waere delicatesse, toen Siemen dur mee gestopt is, hak heel flakkee of ge reje mar naregus was tur zulke lekkere worste te kriegen, zaalfs niet bie de beste keur slaagurs. Dus wat je ver haelt is lekkerdur gaet niet altiet op.

In wat dienk je van de kaaze bie Wout Verwoerd, die had de beste van heel ut durp. Je most ter wel haest voor near buitendurp, mar dat had je over voor zoon lekker stik kaaze.

As je pien in je hood had waare de akkertjes van Kees Vienk toch de beste.
Kiek in zo kenk nog wel even deur gaen. De bolussen van Adrie Braber, de koekies van Teun Niep, hut spek van van der Pijl, ut brood van Koppenaal, de segaren in de sjet van van Nierop, de segretten in schampo van Piet de kapper, de worstebroodjes van Silvius, de vleiswaeren van Hans de melkboer, de kaernemaalk van Arensman, het meel van Geretje de Wit, hut ijs van Silvius zun slogan was dan aak Wees wijs koop Silvius ijs, de petat van Koppenaal, de brokken van Kamerling, allemael strelingen voor de tong in voor hut lief.

Kiek ik ha aak nog un boodschap, noe hammen weer un wienkel, dus laate we die in ere houwe. Want hut is toch wel un raar gezicht as je maasun eerst un pepier voor de raem ziet ophange mit hoera we ha weer un buurtsuper in die dan vervolguns in de auto stappe om bie AH om boodschappen te gaen. Mar jea je kon voor vuftig euries boodschappen winne, daer doen ze wel an mee. Mar meschien worre die maasun aak nog wel us Stadtenaer.

Allemeale mar weer de groete van Jan van 't hoekie