StadsWeb

Stad meer dan droag brôôd

Content

StadsWeb
Noe hak weer hoore zaage dat de JOP (Jongere Ontmoetings Plekkie) aak weer weg mot, hut mot toch niet gekker worre mit die gastun uut Meneerse. Mar tis netuurluk geen nieuws sinds Stad bie Meneerse gekomme is ken dur niks, lees mar verdur.
opmaak
De JOP mot weg

Noe hak weer hoore zaage dat de JOP (Jongere Ontmoetings Plekkie) aak weer weg mot, hut mot toch niet gekker worre mit die gastun uut Meneerse. Mar tis netuurluk geen nieuws sinds Stad bie Meneerse gekomme is ken dur niks, lees mar verdur.

Hut Trefpunt mit meubulaar un geschienk an de Stadse maasun kwam driehoendurd gulden tekort voor nog wat spullen. De gemeente Stad nam geen besluut want we gienge over naer Meneerse. Van de gemeente Meneese konde ze dat geld niet kriege mar LEENE. Vraegie weete jeulle hoeveul Stadse centen dur in de Staver gepompt binne.

De voetbal most hardnodig un tweede veld ha, Meneerse gaf niet tuus. Toen dochte ze dat handig op te lossen deur te zaagen as jeulle an groend kennne komme zurge wielle voor de rest. De voetbal kon an de groend komme deur medewaarking van de kaareke. Toen wouwe ze nog terug krawe, mar gelokkug stieng hut op pepier. Mit pien in 't harte moste ze toen wel. Mar bie de bouw van de kleedhokkies ha ze dur gram weer gehaeld de voetbal most veul zaalf doen.
Kiek ik ha niks mit sport, mar hut mot tur wel weeze, mar hoeveul van oens geld mot ter noe weer gepompt worre in velden in Meneerse omdat tur twee cluppies binne die zonodug apart motte. Jae in hut wordt nog gekkur Flakkee schrieft weer un zaeturdag elftal in.

Kiek as ik aak nog mot gaen schrieve over de huuzen die ze hier hadde motte bouwe om hut durp leefbaer te houwen, dan kenk daer alleen al un boek ovur vol schrieve, laek dat mar niet doen. Voor haest allus mot je naer Meneerse, daer wordt hut steeds drukker dus mag je mar bepaarkt parkeere. In hut duurt mar effe of je mot betaele om je heilege koeje effe neer te zettun.

Dur was un paer jaer geleje un kiekies tentoonstellieng in hut Trefpunt. Die hiette Stad vroegur in noe. Ik bin daer weeze kiekke in kwam daer un are ouwe Stadtenaer tegun die zei "tis mooi opgezet mar wat is tur arus dan op de kiekies van vroegur in noe?"

Kiek laek hut mar plat zaage degene die vroegur geraakt ha daer mag je noe nie meer van raake. Die vroegur gezope ha daer mag je noe niet meer van drienke. Behalve in Meneerse daer mag je niet meer mit de heilege koeje ovur de kaaje want dan stoor je de drienkers. Terwijl toch bekend is dat je hersuncellen hiervan ofstaareve.

Kiek ik dienk dat tur un spraekverwarrieng is, op Stad dienke ze dat JOP staet voor Jongere Ontmoetings Plekkie mar in Meneerse dienke ze dat dat staet voor Jacht Op Pubers.
Zou dur iemand op Stad weeze die ze ant verstand ken brienge in Meneerse waer JOP voor staet, ik dienk hut niet mit al die drank.

Allemaele mar weer de groete van Jan van 't Hoekie