Hut Heantje is weer terug gezet op den toren
Tjonge tjonge wat un gedoe allemaele, mar hut haentje is weer terug gezet op den toren. Dur most un grote hijskraene an te pas komme, in netuurluk van die haage heren der bie.
Sogguns hadde ze heel de Voorstraete in de Nieuwstraete ofgezet mit grote borden. Dur kwan un grote hijskraene van de overkante an te pas, die had heel de straete nodig. Dur was heel wat bekieks, hut had vooral de interesse van de Stadtenaer. Mar uut Meneerse moste ze toch aak weer us dur gezicht laete zieje, Wethouwer Kleingeld most die haen dur opzette. Die kraene heit daer ruum un half ure op staen wacht, ze wete zekur in meneerse niet hoeveul dat dieng per ure kost. Toen iedereen dur was most dur aak nog gewacht worre op TV Rijnmond die moste dur aak bie weze.
Mar affein nae veul vueven in zessen wier mit klokgeluui die mit bladgoud beleide haen dur dan toch opgezet. Un karwei wat dun helen ochtend heit geduurd, ut kost un paer centen mar je heit ter aak wat voor.
Kiek vroegur gieng dat arus, toen den haen nae un schoonmaek beurt dur weer opgezet most worre gebeurde dat geweun zoendur hijshraen in wethouwer. Kees Driesse gieng ut as eerste probere om mit un trap dun haen op zun plekke te zette. Al mit al was dat un beentje te haag gegrepe voor Kees. Mar as Kees niet durfde hadde we altied Wim Macloet nog. Die heit via un trap toen de haen op zun plekke gezet.
Waarom staet er op de kaarktoren een haen?
Daer binne verschillende uutleggen over. Allereerst is de haen vaak geweun een weerhaen. Hie staet altied met zijn snavel in de wind. Un haen kraait as hut zunnetje opkomt, bie hut begin van un nieuwe dag. Zo is de haen un tekun van waekzaamheid en aak van inkeer, vergeving in un nieuw begin. Tis mar dat je tweet.Allemeale mar weer de groete van Jan van 't hoekie