"Opa, wiele ha veul spullen in huus voor de kerst hè. Mar hoe vierde u vroegur kerst?" vraagt mun kleindochtur an mien. Ik neem mun kleindochtur op schoot in begin te vertelle.
opmaak
Kerstmis vroeger en noe

"Opa, wiele ha veul spullen in huus voor de kerst hè. Mar hoe vierde u vroegur kerst?" vraagt mun kleindochtur an mien. Ik neem mun kleindochtur op schoot in begin te vertelle.

"Kerstmis vierden wiele vroegur net zoals julle noe doen." Ze kiekt me vraegend an. "Mar opa, joe heit toch geen compjoeter om kaerten op te maken? In vroegur was ter toch geen tv? Dan kan je kerst toch niet zo vieren as wiele dat doen?". "Jaoor lieverd. Korsemisse gaet niet om de televisie of de compjoeter. Korsemisse is un feest om geweun mit de hele femilie gezellig bie mekare te wezen. Toen ik klein was ginge we altied naer mun opa in opoe en daer kwamme dan aak al mun oomes en tantus. In elk jaer ginge we arugus andurs heen. In dan ginge we lekkur ete. Geen petat of geweun aarpels, nee met Korsemisse atte we altied wat lekkurs. Mun opoe had dan de hele dag in de keuken gestaen om wat lekkers te maken. In soms begon mun opoe al voor de korsemisse mit diengun te kooke."
Mun kleindochtur kiekt me an. "O, dus net zoas oma noe doet. Want marege is het toch pas kerstmis? In oma is noe al ant koken. Maekt oma dan aak al etun voor marege?" Ik knikte. "Ja, opoe is bezig mit hut etun voor marege. Dat mot vandaage wel want hut duurt heel lang voor het eten klaer is. En hut moet natuurluk wel lekker weze."
Ze laapt naer de kerstbaam. "Opa Had u vroegur aak van die mooije ballun en lampies in de kerstbaam?". "Wiele hadde thuus wel versiering in de baam. Mar vroegur hadde we niet veul geld. Dus konde we aak niet zoveul van die mooije dingen kape. Wiele hadde geen lampies, maar echte kaersen in de baam. Mun vadur zette wel un emmur waeter mit un dweil gereed omdat tie bang was voor brand. In in plekke van kerstballun maekte wiele zaalf versiersels om in de baam te hangun. Zo hadde we elk jaer un hele bezoendere baam die helemaele van oens zaalf was. En wiele hadde altied un echte baam in huus staen. Julle ha un kunstbaam die altied mooi is. Mar wiele moeste vrouger op tied gaen kieke voor un mooije baam, want as je te laet was dan ware de mooje bamen al weg."

Mun kleindochtur kiekt naer dun baam. "In toch vind ik ballun en lampies mooijer. Ik wil geen kaarsun in de baam. Dan vliegt de baam meschien in de brand. In zaalf gemaekte dingen in de baam vind ik aak niet mooi. Ik bin blieje dat ik noe kerstmis vier en niet vroegur."

Langs de digitale snelweg wil ik jeulle allemaele prettege kerstdaegun in un gelokkug mar vooral gezoend 2008 toewense.

Jan van 't Hoekie

Stad aan 't Haringvliet

VOOR EN DOOR STADTENAEREN!

VRIJWILLIGERS GEZOCHT OP STAD!

🡢

Uitgelicht

Geslaagde scholieren

Al sinds 2007 gaat StadsWeb elk jaar langs bij de Stadtenaren die geslaagd zijn voor de middelbare school.

De geslaagde scholieren van dit jaar kunt u hier vinden.

STAD MEER DAN DROAG BRÔÔD