Tegenwoordig wordt er veul aan sportvisse gedaen. De meest luxe waarphingels en meulens binne binae voor iedereen te kaap. Vroegur was dat arus. Ten eerste waare er nog geen waarphingels en ten tweede, als ze dur waare geweest, kon de geweune man die niet betaele.
opmaak
Peure

Tegenwoordig wordt er veul aan sportvisse gedaen. De meest luxe waarphingels en meulens binne binae voor iedereen te kaap. Vroegur was dat arus. Ten eerste waare er nog geen waarphingels en ten tweede, als ze dur waare geweest, kon de geweune man die niet betaele.

Wielle deje peure. Hut benodugde materiaal was simpel: un houte stok van zo'n twee meter lang, un stik vliegertouw van drie meter, un ouwe kurk van un wienfles, un lange stopnaeld, un stik gaerun en wurmen. Dat kostte biena niks. Een houte stok, in un kurk van um wienflesse kon je altied wel aregus op hut gors vinde. Een stik vliegertouw had iedereen in die tied wel in zijn bezit en arus kostte het mar een paar caanten om het te kaapen. Een stopnaeld en een stik gaerun had je moeder wel in huis. Bleef over de wurmen. Wel, die ging je geweun zelf steeke op het slik.
Gewapend met een riek in un leeg appelmoesblik ging je as hut laeg waeter was naar de buitendiekse slikken. Meestal na un klein half uurtje spitte was hut appelmoesblik wel vol. Dat was genog om twee trossen te maeke in om un middagje te vissen.

Wiele viste niet mit haekun mar mit een tros wurmen. Met un lange stopnaelde wieren de wurmen an hut gaerun gerege. De uuteinden van het gaerun wiere an mekaare geknaapt in op je hand gewonde tot een tros.
Zoals gezeid de hiengel was gewoen een houte stok. De kurk dee dienst als dobber. In de kurk maekte je en roend gat waer waer de lijn deurheen gieng met un roend stokkie, zodat ter un soort schuufdobber ontstoend. Oenderan de lijn wier de tros wurmen bevestigd. Dat was alles.

Noe maar gaen visse. Leefnetten bestoende in die tied aak nog niet dus je nam mar een jute baaltie mee om de vangst in op te bergun. Omdat palieng nogal glad was en is, had je aak nog un linne doekkie nodig om de palieng te pakken.
Al zal menig sportvisser van tegunwoordig het niet met me eens weze, was peure nog een echte sport. Er wier immers zoender haken gevist en de kunst was dan aak om de vis met de juuste techniek op het draage te kriegen. Je most de vis letterluk op de kante gooie in dan was hut aak nog un kunst om de vis te pakken. Un ouwe paraplu kon aak helpe, die hiew je oedertsenboven bovun hut waeter dan kon je je vis dur ingooije. De kanten van de zeedieken ware in die tijd begroeid met "riet in gras" in de vis probeerde dan aak altied om in hut riet in gras weg te kommen in weer in hut waeter te gaen.

In ik kan je vertelle un lekkur zootje palieng was in dien tied un waere delikatesse.

Allemeale mar weer de groete van Jan van 't hoekie

Stad aan 't Haringvliet

VOOR EN DOOR STADTENAEREN!

VRIJWILLIGERS GEZOCHT OP STAD!

🡢

Uitgelicht

Geslaagde scholieren

Al sinds 2007 gaat StadsWeb elk jaar langs bij de Stadtenaren die geslaagd zijn voor de middelbare school.

De geslaagde scholieren van dit jaar kunt u hier vinden.

STAD MEER DAN DROAG BRÔÔD